Қазақстан Республикасы Парламенті Мәжілісінің депутаты Магеррамов Магеррам Мамедовичтің жұмыс кездесулері кестесі аясында, 3 шілде күні Астана даму орталығының алаңында таныстыру іс-шарасы өтті. 

Кездесу барысында Астана даму орталығының Басқарма Төрағасы, Ринат Олегович Акбердин, Компанияның қызметін таныстырып, инвестицияларды тарту және инвестициялық жобаларды сүйемелдеу ісіндегі маңызды рөлін атап өтті. Назар өнеркәсіп, логистика, спорт, медицина және білім беру салаларындағы өзекті инвестициялық жобаларға, сондай-ақ кәсіпкерлер мен инвесторларға көрсетілетін мемлекеттік қолдау шараларына аударылды. 

Кездесу конструктивті жағдайда өтіп, Астана қаласының орнықты дамуына бағытталған заң шығарушы және атқарушы билік арасындағы өзара іс-қимылдың жаңа мүмкіндіктерін айқындады.