Бүгін Астана Даму орталығында Kiswel оңтүстіккореялық компаниясының өкілдерімен екінші кездесу өтті. Компания дәнекерлеу материалдарын өндіруге маманданған.
Кездесу барысында инвестициялық жобаларды сүйемелдеу тетіктері және шетелдік инвесторларға арналған мемлекеттік қолдау шаралары кеңінен таныстырылды.
Kiswel компаниясы Қазақстан арқылы Орталық Азия нарығына шығуға қызығушылық білдіріп, Астананы өңірлік кеңею үшін стратегиялық орталық ретінде атап өтті.
Тараптар ықтимал бірлескен жобалар мен серіктестіктің жаңа форматтарын талқылап, Қазақстан мен Корея Республикасы арасындағы экономикалық байланыстарды нығайту және елордадағы өндірістік әлеуетті дамыту бойынша өзара пікір алмасты.