Астана Даму орталығы, Astana Invest және әртүрлі салалардағы компаниялар өкілдерінен құралған неміс делегациясының қатысуымен жұмыс кездесуі өтті.

Кездесу барысында халықаралық ынтымақтастықты дамыту, іскерлік байланыстарды нығайту, инвестициялар тартуға және Астана қаласының әлеуетін халықаралық деңгейде ілгерілетуге бағытталған бірлескен бастамаларды жүзеге асыру перспективалары талқыланды. Еуропалық серіктестермен өзара іс-қимыл мүмкіндіктеріне және іскерлік кооперацияны кеңейтуге ерекше назар аударылды.

Кездесу қорытындысы бойынша өзара түсіністік туралы меморандумдарға қол қойылды: Astana Invest пен Supracon AG арасында, сондай-ақ Астана Даму орталығы мен City Tours Europe арасында.

Тараптар қол қойылған құжаттар алдағы ынтымақтастықтың тиімді негізіне айналып, Астана қаласының инвестициялық тартымдылығын арттыруға бағытталған бірлескен жобаларды іске асыруға ықпал етеді деп күтуде.