26 желтоқсанда Астанада оқушылар мен студенттерге арналған кәсіптік бағдарлау экскурсияларының қорытындысы шығарылды
26.12.2024
2024 жылғы 26 желтоқсанда Астана әкімдігінің қолдауымен «Астана даму орталығы» ЖШС ұйымдастырған «Кәсіптік бағдарлау экскурсиялары» жобасын қорытындылады. Жобаның қатысушылары мен серіктестеріне сертификаттар мен алғыс хаттарды Астана қаласы Инвестициялар және кәсіпкерлікті дамыту басқармасы басшысының орынбасары Қуаныш Бауыржанұлы Сапаров табыс етті.
2023 жылы басталған жоба мектеп оқушылары мен студенттерге кәсіби жолды саналы түрде таңдауға көмектеседі. Оның маңыздылығы 2025 жылды халыққа Жолдауында жұмысшы мамандықтар жылы деп жариялаған Мемлекет басшысының бастамасымен ерекше атап өтіледі.
- 2023 жылы жоба 10 100-ден астам оқушыны қамтыды.
- 2024 жылы елорданың 97 мектебі мен 23 колледжінен 12 700-ден астам оқушы мен студенттер қатысты.
- Қатысушылар 43 жетекші ұйымдар мен жоғары оқу орындарына барып, жұмысшы мамандықтарымен танысып, құнды практикалық білім алды.
Экскурсиялық іс-шаралар оқушылар мен студенттерге еңбек нарығында сұранысқа ие негізгі мамандықтар туралы біліп, олардың атмосферасына енуге мүмкіндік те берді.
Жобаны ұйымдастыруға қосқан елеулі үлесі үшін «Gvidon tour» туроператорының директоры Татьяна Степановна Верницкаяға ерекше алғысын білдірді.
Сонымен қатар, Астана қаласы әкімінің орынбасары Евгений Сергеевич Глотовтың алғыс хаттарын осы бастаманы қолдаған оқу орындары мен кәсіпорындар алды.
Жоба 2025 жылы іске асырылуын жалғастырып елорда оқушылары мен студенттерінің одан да көп санына мамандықтар туралы құнды білім алуға, жаңа идеялардан шабыт алуға және кәсіби табысқа қадам жасауға мүмкіндік береді.